Sai Leela - Chapter 1 - " Or Vish Utar Gaya...!! "

Sai Leela Chapter 1 - Or Vish Utar Gaya...!! 

Sai Baba Dwarkamai Me Aaye Abhi Dusara Hi Din Tha Ki Achanak Mandir Ke Dusare Chhore Par Shor Mach Gaya " Kaat Liya ! Kaat Liya ! Kale Naag Ne Kaat Liya !"

" Kua Hua ? " Sai Baba Ekdum Se Chonkar Khade Ho Gaye Or Shor Machane Wale Se Puchha !

" Damodar Ko Naag Ne Kaat Liya Sai Baba ! " Ek Vyakti Ne Sahara Dekar Damodar Ko Uthate Huye Kaha | Damodar Ki Halat Ekdum Se Kharab Hoti Jaa Rahi Thi | Usaka Sara Sharir Nila Padata Ja Raha Tha , Muh Se Jhag Aane Lagi Thi |

" Mat Chadh.. Mat Chadh.. ! " Sai Baba Bole "

" Kaha Gaya Naag ? "

" Is Bil Mai Ghus Gaya Hai | " Ek Vyakti Ne Mandir Ke Ek Kone Mai Ek Bil Ki Or Hath Se Ishara Karate Huye Kaha | Us Bil Ko Dekhkar Sai Baba Bade Jor Se Hanskar Bole - " Waah re Liladhar ! Badi Vichitra Hai Teri Leela | Yah To Nevale Ka Bil Hai | Nevala Abhi Is Naag Ke Tukade-Tukade Karake Rakh Dega | " Sabhi Vyakti Sai Baba Ki Or Hairani Se Dekhane Lage |

Fir Sai Baba Damodar Ke Pass Aaye Or Usake Pass Baithkar , Usake Pair Par Upar Se Niche Ki Or Hath Fairate Huye Kahane Lage - "Utar Jaa... Utar Jaa..." |

Baba Ke Aisa Kahate Hi Damodar Ke Anguthe Se Nile - Nile Rang Ki Bunde Teji Se Girane Lagi | Waha Upstit Logo Ko Yah Samajhate Der N Lagi Ki Yah Bunde Usi Naag Ke Jahar Ki Hai |

Yah Dekhkar Sabko Bahut Aashchary Ho Raha Tha Ki Naag Ka Jahar To Teji Se Upar Ki Or Chadhata Jata Hai |

Logo Ne Naag katane Ki Anek Ghatana Dekhi Thi | Par , Aisa Pehli Baar Dekha Tha Ki Jahar Sharir Me Failane Ki Bajay Bund-Bund Ka Jakhm S Hi Tapakane Laga Ho |

Baba Damodar Ke Danse Huye Pair Par Hath Fairate Rahe Or Jahar Bund - Bund Karake Niche Ki Or Tapakata Gaya } Thodi Der Baad Bundo Ka Nila Rang Dhire-Dhire Laali Me Badal Gaya |

Kuchh Der Baad Baba Ne Kaha - " Damodar Ke Sharir Se Ab Sara Jahar Nikal Gaya Hai | Ab Chinta Karane Ki Koi Baat Nahi Hai | Yah Ab Thik Hai | "

Fir Baba Ne Damodar Se Puchha - " Ab Kaisa Lag Raha Hai , Damodar ? "

" Ab Meri Tabiyat Thik Hai Baba | " Damodar Ne Kaha Or Sai Baba Ke Pairo Se LipatKar  Foot-Footkar Rone Laga | Bola - " Aapane Mujhe Bacha Liya Sai Baba ! Aapaki Krupa Se Hi Aaj Meri Jaan Bach Paayi Hai | "

Yah Ghatana Sabake Liye Mahan Aashchary Kaa Vishay Thi | Sabhi Ne Yah Chamatkar Apni Aankho Ke Samane Hote Dekha Tha |

Sai Baba Ke Hotho Par Muskrahat Thirak Rahi Thi |

Unake Is Chamatkar Ki Charcha Saare Gaaon Me Ho Rahi Thi 

Ab Logo Ko Vishwas Hone Laga Ki Sai Baba Vastav Me Hi Koi Avtari Purush Hai 

Sabhi Dharmo Ke Log Dur-Dur Se Unake Pass Aane Lage ||